粵語語氣詞 粵語有非常豐富嘅句末語氣詞，如果撈亂會造成好大交流障礙，本文列舉出所有常見嘅粵語句末語氣詞同佢哋嘅推薦寫法，等大家可以寫規範粵文。
方案揀字原則本用字方案對於句末語氣詞從分唔從合，即儘量遵循一個漢字對應一個語素嘅原則。對於音節相同嘅字，一般將第 1、3、4 聲定爲獨立嘅語素，對於第 2、5、6 聲視爲變調，因而推薦使用標點符號來表示，而唔再另外指定漢字。例如我哋推薦使用「㗎？」來代表 gaa2，而唔係使用「𠿪」。
對於大部分 aa 開音節語氣詞，本方案推薦唔區分 aa 同 a，例如 laa3 同 la3 視作同一語素。
句末語氣詞推薦用字表
說明
「了」字僅讀作 liu5，唔推薦作爲句末語氣詞使用。
粵語中冇「吧」呢個語氣詞，「吧」僅存在於官話書面語同普通話/國語中。
「嗱」naa4 作爲句首感嘆詞，都加入表內，以表示與句末語氣詞「喇」laa4 區分。
推薦用字拼音例句備註吖aa1唔該畀兩個橙我～。啊aa3你去唔去睇戲～？ 做完功課先好出街～。呀aa4噉唔通乜都唔使做～。aa5 用「呀？」表示，亦可用「咓」。𡅅aak3唔係～。噃bo3你唔好唔記得～。𠺢/咖gaa1/ga1噉先啱～嘛。「咖」作爲後備用字，首選唔推薦使用𠿪gaa2前提係做得出先得～。㗎gaa3/ga3唔係噉樣～。問句中嘅 gaa2 用後加問號表示，例如「冇理由㗎？」。嘎gaa4/ga4乜原來要收畀錢～。𠺝/嗝gaak3你平時好飲得～，點解而家咁快就醉。「嗝」作爲後備用字，首選唔推薦使用嘅ge3我點都唔會走～。啩gwaa3應該係～。吓haa2～，噉都得？ 記得食飯啊～。嚱he2呢套戲幾好睇嚱？嗬ho2噉就夠嘞～？啦laa1/la1就噉先～。喇laa3/laa41. 你點講佢都唔會明㗎～。2. 噉就得～？本方案用標點區分 laa 第 3 聲同第 4 聲，如例句 1 爲 laa3，例句 2 爲 laa4。嘞laak3/lak3/la3係嘞，你有冇帶遮？咧le4我送你五萬個口罩～，好唔好啊？哩le5我真係冇呃你～。囉lo1噉你去～。囖lo4係～，點解你自己唔去呢？咯lok3/lo3都話咗係噉～。噉就弊家伙～。嚕/𡀔lou3/lu3我做完功課～。嗎maa3/ma3/maa1你好～？嘛maa5/maa3唔係啊～？所以先話吖～。咩me1佢唔係好叻嘅～？嗱naa4～，就喺呢度。呢ne1/le1佢係做咩嘅～？添tim1我以爲你會去埋佢屋企～。又寫作「㖭」同「𠻹」，呢兩隻字僅作後備用字，首選唔推薦使用喎wo3佢唔喺度～。啝/咊wo4篇文原來係佢寫嘅～。𡁜/唩wo5佢話佢唔去～。咋za3/zaa3/zaa51. 我就得翻兩文～。2. 哦，就係噉～？本方案用標點區分 zaa/za 第 3 聲同第 5 聲，如例句 1 係 zaa3/za3，例句 2 係 zaa5。喳za4/zaa4就得咁多～？啫ze1無非都係噉嘅～。唧zek1究竟發生咗咩～？
組合語氣詞示例
說明下表係粵語中部分組合語氣詞示例。注意組合語氣詞中嘅非句末字發音長度可能比正常情況下更短，例如「吖嘛」中嘅「吖」可以係 aa1 或者 a1。
漢字拼音例句備註吖嘛aa1 maa3 / a1 maa3聽日係星期日～。啊嘛aa6 maa5 / a6 maa5唔係噉～？哎吖吖ai1 aa1 aa1～，做乜搞成噉啊？「哎」字可爲 ai1 或 aai1，下同。哎吔/哎吔吔ai1 jaa1/ai1 jaa1 jaa1～！豈有此理！哎呀ai1 aa4/ai1 jaa5～，你唔係噉啊嘛？𠺢嘛gaa1 maa3/ga1 maa3噉我唔知～！「𠺢」次選「咖」㗎咩gaa3 me3/ ga3 me3今日唔係放假～？㗎嘛gaa6 maa5 / ga6 maa5唔係噉～？嘅啫ge3 ze1無非就係佢一個人～。嘞噃la3 bo3 / lak3 bo3你好～，唔好再得寸進尺～！吓話haa6 waa5 / ha6 waa51. 係得咁多～？ 2. 「呢隻股票實升㗎！」「～？」喇啩laa3 gwaa3 / la3 gwaa3噉應該搞掂～？㗎喇噃ga3 la3 bo3你再唔嚟就食晒～。
參考文獻
陸鏡光, 2007, 粵語語氣詞的書寫方式, Studies in Cantonese Phonetics 2, eds. Joanna Ut-Seong and Sze-Wing Tang, 95 - 107